Námskeiðið er einstaklingsmiðað að hluta. Það er byggt á lestri texta, gagnvirkum æfingum, verkefnaskilum og netspjalli við kennarann, auk hópavinnu nemenda.

Fjarnám krefst meira sjálfstæðis frá nemendum í námi.Námskeiðið er að hluta til kennsla á netinu með kennara og að hluta sjálfsnám með stuðningi kennara.

Íslenska 6 er framhaldsnámskeið á stigi B 1.2 samkvæmt Evrópska tungumálarammanum .

Á námskeiðinu er notað fjölbreytt námsefni og virk þátttaka nemenda til að tryggja árangursríkt og skemmtilegt nám í íslensku. Allt námsefni er rafrænt. Það byggir á völdum textum og verkefnum auk efnis af neti og samfélagsmiðlum í samræmi við áhuga og þarfir nemenda.

Þú heldur áfram að læra íslensku sem nýtist í daglegu lífi og sem tengist samfélagsumræðu og þínum þörfum.

Við leggjum áherslu á talþjálfun og að þú æfir fjölbreytta íslensku bæði í samtölum og frásögn.

Þú notar fjölbreyttar aðferðir sem auka sjálfstraust þitt til að tala íslensku, tjá skoðanir þínar og taka þátt í umræðum.

Allir færniþættir eru æfðir í íslenskunáminu: Skilningur, tal, lestur og ritun.

Málfræðin er áfram kennd og þjálfuð á í tengslum við námsefnið og á grunni þess sem þú hefur þegar lært.

Kunnátta þín er metin í lok námskeiðsins og þér veitt ráðgjöf um næstu skref í íslenskunámi þínu.

Stöðumat í upphafi námskeiðs er innifalið í námskeiðsgjaldinu fyrir þau sem þess þurfa til að vita hvaða stig hentar þeim best í íslenskunáminu. Þetta tryggir gæði og betri árangur.

Til þess að útskrifast og fá skírteini er nauðsynlegt að ná 75% mætingu á námskeiðinu.

Athugið að lágmarksþátttaka er forsenda fyrir námskeiðshaldi.

Íslenskunámskeið í Mími eru byggð á námskrá í íslensku fyrir útlendinga sem gefin er út af mennta- og menningarmálaráðuneytinu.

Rafrænt stöðumat, tengiliður: [email protected]
Stöðumat í Höfðabakka 9: [email protected]

Інше: Для осіб, які прибувають з країн, що не входять до ЄЕЗ: Однією з умов, встановлених Імміграційною службою для отримання дозволу на постійне проживання в Ісландії, є проходження 150 годин викладання або 120 годин вивчення ісландської мови. Не має значення, чи проходять ви курси різних рівнів або повторюєте рівні.