Námskeiðið Íslenska 2 fjarnám er sérsniðið fyrir þig sem ert að halda áfram að læra íslensku.* Á námskeiðinu er lögð áhersla á að halda áfram að byggja upp grunnorðaforða daglegs máls, bæði í skilningi og tali, með fjölbreyttum og hagnýtum aðferðum.

Námskeiðið er einstaklingsmiðað að vissu marki, byggt á lestri texta, gagnvirkum æfingum, verkefnaskilum og netspjalli við kennarann, sem og hópavinnu nemenda. Fjarnám krefst meira sjálfstæðis frá nemendum í námi. Námskeiðið er að hluta til á netinu með kennara og að hluta til sjálfsnám með stuðningi kennarans.

Íslenska 2 er framhaldsnámskeið á stigi A1.2 samkvæmt Evrópska tungumálarammanum. Á námskeiðinu er notað fjölbreytt námsefni og virk þátttaka nemenda til að tryggja árangursríkt og skemmtilegt nám í íslensku.  Allt námsefni er rafrænt. Námsefnið Íslenska fyrir alla 2 er notað auk  aukaefnis og rafrænna stoða af ýmsu tagi.

Þú heldur áfram að læra íslensku sem nýtist í daglegu lífi.

Við leggjum áherslu á talþjálfun og þú æfir einfaldar setningar bæði í samtölum og frásögn.

Allir færniþættir eru æfðir í íslenskunáminu: Skilningur, tal, lestur og ritun.

Málfræðin er áfram kynnt á einfaldan hátt í tengslum við námsefnið.

Kunnátta þín er metin í lok námskeiðsins og þér veitt ráðgjöf um næstu skref í íslenskunámi þínu.

Námskeiðið er fyrir fólk, 18 ára og eldra, sem vill læra íslensku.

Undanfari er Íslenska 1 (40 klst.) eða sambærileg þekking. Á öðru stigi er íslenska notuð í kennslu en enska notuð sem millimál ef nauðsyn krefur. Þátttakendur verða að kunna að lesa og skrifa latneskt letur.

Námskeiðið hentar fólki sem vill meira sjálfstæði í námi, er með grunnkunnáttu í tölvunotkun og aðgang að tölvu.

Sérsniðin lausn fyrir fjölbreytta hópa: Fyrir þau sem hafa ekki enskukunnáttu er boðið upp á Íslensku 2 hægferð, Íslensku, atvinnulíf og samfélag (námskrár FA) eða námskeið fyrir sérstaka tungumálahópa þar sem kennarinn talar tungumál hópsins.

Stöðumat í upphafi námskeiðs er innifalið í námskeiðsgjaldinu fyrir þau sem þess þurfa til að vita hvaða stig hentar þeim best í íslenskunáminu. Þetta tryggir gæði og betri árangur.

Til þess að útskrifast og fá skírteini er nauðsynlegt að ná 75% mætingu á námskeiðinu.

Athugið að lágmarksþátttaka er forsenda fyrir námskeiðshaldi.

Íslenskunámskeið í Mími eru byggð á námskrá í íslensku fyrir útlendinga sem gefin er út af mennta- og menningarmálaráðuneytinu.

Rafrænt stöðumat, tengiliður: [email protected].

Stöðumat í Höfðabakka 9: [email protected]

Annað: Fyrir þau sem koma frá löndum utan EES: Hluti af skilyrðum Útlendingastofnunar til að fá ótímabundið dvalarleyfi á Íslandi er að hafa lokið 150 kennslustundum/120 klukkustundum í íslenskunámi. Það skiptir ekki máli hvort tekin eru mismunandi stig eða hvort stig eru endurtekin.