Á fagnámskeiðum Mímis er lögð rík áhersla á að styrkja persónulega og starfstengda færni. Markmiðið er að efla sjálfstraust þitt og veita þér hagnýt verkfæri til að takast á við fjölbreytt verkefni í starfi. Námskeiðið er tækifæri fyrir þig til að dýpka þekkingu þína og vaxa enn frekar sem fagmanneskja.

Í náminu munt þú kynnast og vinna með:

• Listastarf með börnum: Fáðu innblástur og aðferðir til að efla sköpunargáfu barna.
• Innra starf og námskrá leikskóla: Dýpkaðu skilning þinn á skipulagi og markmiðum leikskólastarfsins.
• Íslenskukennslu: Fáðu góð ráð varðandi íslenskukennslu fyrir börn.
• Þroska barna: Lærðu um helstu þætti í þroska barna til að geta mætt þörfum þeirra enn betur.
• Slysavarnir: Fáðu faglega og hagnýta þekkingu á öryggis- og slysavörnum.

Einnig er farið í heimsókn á leikskóla til að fá verðmæta innsýn og kynnast starfsemi þeirra.

• Heilsuefling
• Heimsókn í leikskóla
• Innra starf leikskóla
• Íslenska fyrir tvítyngd börn
• Líkamsbeiting og vinnuaðstaða
• Listastarf með börnum
• Námskrá leikskóla
• Þroski leikskólabarna
• Slysavarnir

Námið er fyrir þau sem starfa á leikskólum, eru eldri en 20 ára og hafa ekki lokið formlegu framhaldsskólanámi.
Athugið: Í undantekningartilfellum er heimilt að taka inn í námið starfsfólk á aldrinum 18-20 ára ef það er í fullu starfi.

Markhópur framhaldsfræðslunnar samkvæmt stjórn Fræðslusjóðs.

Skilmálar og úthlutunarreglur Fræðslusjóðs.

Námið er kennt á íslensku. Til að taka þátt í náminu er mælt með að þú hafir hæfni á a.m.k. stigi A2–B1 í íslensku samkvæmt Evrópska tungumálarammanum.

Þú getur skoðað rammann betur hér.

Ef að þú ert óviss með kunnáttu þína í íslensku getur þú komið í ókeypis stöðupróf í íslensku hjá Mími-símenntun áður en þú sækir um námið. Nánari upplýsingar fást hjá verkefnastjóra.

Frekari upplýsingar:

• Námsmat byggist á mætingu og virkni í tímum sem hvetur til virkrar þátttöku.
• Til að ljúka námsbrautinni og útskrifast er nauðsynlegt að ná 80% mætingu.
• Námið er niðurgreitt af Fræðslusjóði til að jafna aðgengi og efla nám fyrir fullorðna.
• Kennsla fer fram samkvæmt námskrá vottaðri af Miðstöð menntunar og skólaþjónustu sem tryggir gæði og áreiðanleika. Allar námskrár má nálgast hér.
• Námskeiðshald: Athugið að lágmarksþátttaka er forsenda fyrir námskeiðshaldi.