Persónuverndarstefna

Mímir-símenntun, kt. 701202-3920, er fræðslufyrirtæki sem starfar á sviði framhaldsfræðslu og starfsmenntunar. Meginmarkmið Mímis-símenntunar er að skapa tækifæri til náms fyrir fólk með stutta formlega skólagöngu og hvetja fólk á vinnumarkaði til símenntunar og starfsþróunar. Annað meginmarkmið er að bjóða upp á fjölbreytta kennslu í íslensku sem öðru máli, sem og tungumálanámskeið. Skipulag námsins tekur mið af þörfum vinnandi fólks og atvinnulífsins hverju sinni. 

Mímir-símenntun er einkahlutafélag í eigu Alþýðusambands Íslands. Mímir er með þjónustusamning við Fræðslumiðstöð atvinnulífsins, starfar samkvæmt lögum um framhaldsfræðslu nr. 27/2010 og hefur viðurkenningu mennta- og menningarmálaráðuneytisins til að annast framhaldsfræðslu. 

Um Persónuverndarstefnuna

Mími er umhugað um örugga meðferð persónuupplýsinga. Við virðum rétt einstaklinga til einkalífs og leggjum áherslu á að tryggja að öll meðferð persónuupplýsinga sé ávallt í samræmi við ákvæði laga og reglna um persónuvernd og meðferð persónuupplýsinga.

Með persónuverndarstefnu þessari eru veittar upplýsingar og fræðsla um hvernig Mímir vinnur með persónuupplýsingar viðskiptavina sinna og þá sem nota heimasíðu fyrirtækisins, www.mimir.is. Stefnan gildir um alla þjónustu sem veitt er af Mími eða af aðilum sem sannarlega hafa verið fengnir til að starfa á vegum fyrirtækisins. Framkvæmdastjóri ásamt lykilstjórnendum ber ábyrgð á að stefnunni sé framfylgt.