التواصل مع أحد ممثلي مجموعة الشراكة المعنية بالتعليم المستمر

Samstarfshópur um heildarendurskoðun framhaldsfræðslu hóf störf síðast liðinn mánudag þegar fyrsti fundur hópsins fór fram. Sólveig Hildur Björnsdóttir, framkvæmdastjóri Mímis, tekur þátt í samstarfshópnum fyrir hönd Símenntar – samtaka fræðslu- og símenntunarmiðstöðva. Guðmundur Ingi Guðbrandsson, félags- og vinnumarkaðsráðherra, ræddi við fundargesti og óskaði þeim velfarnaðar í störfum sínum. Hlutverk hópsins miðar að því að greina stöðuna í málaflokknum með gerð grænbókar. Í kjölfarið verður gerð tillaga í formi hvítbókar að heildstæðu kerfi framhaldsfræðslunnar sem styrkir hana sem fimmtu stoð opinbera menntakerfisins hér á landi. Þá er hópnum ætlað að veita ráðgjöf við gerð frumvarps til nýrra laga um framhaldsfræðslu. Í vinnunni sem fram undan er verður sérstaklega rýnt í íslenskukennslu sem fram fer utan formlega skólakerfisins og er miðuð að fullorðnu fólki með annað móðurmál en íslensku, enda tungumálið lykillinn að inngildingu í samfélagið. Áhersla verður sömuleiðis lögð á að rýna framhaldsfræðsluna með tilliti til fatlaðs fólks.