Nuevo curso breve de islandés
Hjá Mími-símenntun er nú í boði hagnýtt örnámskeið (6 klst.) í íslensku sérstaklega sniðið fyrir fólk sem vinnur í ferða- eða veitingaþjónustu og vill byrja að læra íslensku.
Á námskeiðinu lærir fólk algeng orð og einfaldar setningar eins og kveðjur og tölurnar. Þá eru einnig kenndir algengir frasar og skemmtileg íslensk orð sem er hægt að nýta í samskiptum, jafnt við innlenda sem erlenda ferðamenn og í daglegu lífi.
Þátttakendur fá einnig innsýn í algengar venjur í íslensku samfélagi og upplýsingar um leiðir til að halda áfram að læra íslensku. Á námskeiðinu er notað fjölbreytt efni og virk þátttaka nemenda til að tryggja árangursríkt og skemmtilegt nám í íslensku.
Námskeiðið er kennt í fjarnámi. Það er kennt tvisvar sinnum, þrjár klst. í senn og næstu námskeið hefjast 21. september.
