Námskeiðið samanstendur af fjölbreyttum námsþáttum sem miða að því að styrkja íslenskukunnáttu þína og veita þér nauðsynlega þekkingu og færni í mörgu því sem viðkemur skóla- og frístundastarfi á Íslandi.

• Læra íslensku með starfstengdri áherslu: Þú byggir upp orðaforða sem nýtist sérstaklega í starfi með börnum og ungmennum.
• Fá innsýn í skóla- og frístundastarf: Þú kynnist starfsháttum og menningu í skóla- og frístundastarfi á Íslandi sem eykur skilning þinn og gerir þig að verðmætari starfsmanni.
• Taka þátt í skapandi vinnustofum: Í náminu er lögð áhersla á skapandi nálgun í starfi með börnum og ungmennum m.a. í gegnum leiklist og leiki.
• Fara í vettvangsnám á frístundaheimili: Þú færð fjögurra daga vettvangsnám í grunnskóla eða frístundaheimili þar sem þú tekur virkan þátt í daglegu starfi þar. Þetta er gott tækifæri til að tengja námið við raunverulegar aðstæður.

Námskeiðið er fyrir fólk, 18 ára og eldra, sem vill læra íslensku og hefur mikinn áhuga á að vinna sem skólaliði og/eða sem leiðbeinandi á frístundaheimili.

Markhópur framhaldsfræðslunnar samkvæmt stjórn Fræðslusjóðs. Skilmálar og úthlutunarreglur Fræðslusjóðs

Til að taka þátt í náminu og til að tryggja sem bestan námsárangur þurfa nemendur að hafa lokið Íslensku 2 eða hafa færni á stigi A1.2 í íslensku samkvæmt Evrópska tungumálarammanum. Þú getur skoðað rammann betur hér.

• Þú þarft að taka stöðupróf í íslensku í Mími áður en þú sækir um námskeiðið. Prófið er ókeypis og fer fram á Höfðabakka 9 á virkum dögum frá kl. 8:00-14:30. Þú verður að panta tíma í stöðupróf fyrir fram hjá verkefnastjóra.
• Námsmat byggist á mætingu, verkefnavinnu og virkri þátttöku í náminu.
• Til að ljúka námsbrautinni og útskrifast er nauðsynlegt að ná 80% mætingu.
• Kennsla fer fram samkvæmt námskrá Fræðslumiðstöðvar atvinnulífsins, vottaðri af Miðstöð menntunar og skólaþjónustu sem tryggir gæði og áreiðanleika, auk íslenskunáms á stigi 3 með áherslu á starfstengdan orðaforða.

https://frae.is/namskra/allar-namskrar/

• Námið er niðurgreitt af Fræðslusjóði til að jafna aðgengi og efla nám fyrir fullorðna.
• Námskeiðshald: Athugið að lágmarksþátttaka er forsenda fyrir því að námskeið verði haldið.