المهارات في سوق العمل

Þann 8. september hefst á ný námsleiðin Færni á vinnumarkaði (smiðja 4) sem byggir á starfstengdri námskrá framhaldsfræðslunnar. Verkefnið er samstarf Mímis, Vinnumálastofnunar og Fræðslumiðstöðvar atvinnulífsins og er ætlað fullorðnum með skerta starfsgetu sem vilja komast á vinnumarkað. Námið felst í 70 klst. fræðslu hjá Mími auk 110 klst. vinnustaðanáms.

Í náminu er lögð áhersla á að efla almenna starfshæfni og undirbúningur fyrir vinnustaðanámið. Nemendur gera einnig ferilskrá og kynningarbréf og fá auk þess einkaviðtal hjá náms- og starfsráðgjafa Mímis. Við útskrift flytja þátttakendur kynningu um þjálfun sína á vinnustaðnum. Auk viðurkenningar fyrir þátttöku í náminu fá nemendur afhent Fagbréf atvinnulífsins við útskriftina sem er dýrmætt skjal þegar sækja þarf um starf.

Kennari hópsins verður Kristín Ólafsdóttir.

Með fréttinni fylgir mynd af Önnu Björk Elkjær Emilsdóttur í viðtali á Stöð 2 um námið – hún útskrifaðist úr Færni á vinnumarkaði í desember 2024