Námskeiðið Íslenska 2-3 talþjálfun er sérsniðið fyrir þig sem vilt öðlast meira öryggi í að tala íslensku. Á námskeiðinu er lögð áhersla á að þjálfa flæði í tali, skýran framburð og hagnýt samskipti í daglegu lífi.

Íslenska 2-3 talþjálfun er framhaldsnámskeið á stigi A1.2-A2.1 samkvæmt Evrópska tungumálarammanum . Á námskeiðinu er notað fjölbreytt námsefni og virk þátttaka nemenda tryggð svo að íslenskunámið verði árangursríkt og skemmtilegt.

• Við leggjum áherslu á talþjálfun í raunverulegum aðstæðum og þú æfir samtöl og frásagnir með áhugaverðum æfingum.
• Réttur framburður er æfður út frá þjálfun í skilningi og flæði í samskiptum.
• Þú byggir upp aukið sjálfstraust til að nota íslensku í öllum mögulegum aðstæðum.
• Málfræði er skoðuð og dýpkuð í tengslum við talæfingar og fyrri kunnáttu nemenda.**
• Kunnátta þín er metin í lok námskeiðsins og þér veitt ráðgjöf um næstu skref í íslenskunámi þínu.

Námskeiðið er fyrir fólk, 18 ára og eldra, sem vill læra íslensku.

Undanfari er Íslenska 1 og 2 (80 klukkustundir) eða sambærileg kunnátta. Námskeiðið er kennt á íslensku.

Þátttakendur verða að geta tjáð sig á einfaldan hátt á íslensku og kunna grunnatriði í málinu. Þátttakendur verða að kunna að lesa og skrifa latneskt letur.

• Stöðumat í upphafi námskeiðs er innifalið í námskeiðsgjaldinu fyrir þau sem þess þurfa til að vita hvaða stig hentar þeim best í íslenskunáminu. Þetta tryggir gæði og betri árangur.
• Til þess að útskrifast og fá skírteini er nauðsynlegt að ná 75% mætingu á námskeiðinu.
•  Athugið að lágmarksþátttaka er forsenda fyrir námskeiðshaldi.
• Íslenskunámskeið í Mími eru byggð á námskrá í íslensku fyrir útlendinga sem gefin er út af mennta- og menningarmálaráðuneytinu.

Rafrænt stöðumat, tengiliður: [email protected].

Stöðumat í Höfðabakka 9: [email protected]

Annað: Fyrir þau sem koma frá löndum utan EES: Hluti af skilyrðum Útlendingastofnunar til að fá ótímabundið dvalarleyfi á Íslandi er að hafa lokið 150 kennslustundum/120 klukkustundum í íslenskunámi. Það skiptir ekki máli hvort tekin eru mismunandi stig eða hvort stig eru endurtekin.