Starfsfólk BAUHAUS á leiðtoganámskeiði

Hjá Mími er hafið leiðtoganámskeið fyrir starfsfólk BAUHAUS, með það að markmiði að styðja við stjórnendur og efla hæfni þeirra til að byggja upp jákvæða fyrirtækjamenningu. Námskeiðið er sett upp í þremur lotum, tvo daga í senn, og lauk annarri lotunni 16. og 17 september sl.

Markmið námskeiðsins er að auka þekkingu og hæfni stjórnenda til að móta fyrirtækjamenningu sem stuðlar að vellíðan starfsfólks. Einnig er lögð áhersla á að þátttakendur öðlist yfirsýn yfir stjórnunar- og leiðtogafræði, auk þess að kynnast aðferðum sem styrkja jafnrétti á vinnustað, liðsheild og teymisvinnu.

Við hjá Mími erum stolt af því að taka þátt í þessu mikilvæga verkefni og hlökkum til að fylgjast með árangrinum þegar námskeiðinu lýkur.