Námskeiðið er örnámskeið í íslensku á byrjendastigi. Á námskeiðinu er lögð áhersla á að kynna algeng orð og þjálfa einfaldar setningar sem nýtast í samskiptum, bæði á vinnustöðum og í daglegu lífi.

Einnig er veitt innsýn í nokkrar venjur og siði í íslensku samfélagi.

Í lok námskeiðsins fá nemendur upplýsingar um leiðir til að halda áfram að læra íslensku.

Íslenska í stuttu máli er byrjendanámskeið á stigi A1.1 samkvæmt Evrópska tungumálarammanum. Námskeiðið er kennt í fjarnámi. Það er kennt tvisvar sinnum, þrjár klst. í senn, alls 6 klst.

Á námskeiðinu er notað fjölbreytt efni og virk þátttaka nemenda til að tryggja árangursríkt og skemmtilegt nám í íslensku.

Læra stafrófið og framburð
Læra algeng orð og kveðjur
Læra einfaldar setningar sem nýtast í starfi og daglegu lífi
Innsýn í nokkrar venjur og siði í íslensku samfélagi.
Fá upplýsingar um leiðir til að halda áfram að læra íslensku

Námskeiðið er fyrir fólk, 18 ára og eldra, sem vill læra íslensku. Enska er notuð sem millimál í kennslunni ef þörf krefur. Þátttakendur þurfa að kunna að lesa og skrifa latneskt letur og skilja smávegis í ensku.

Til þess að útskrifast og fá skírteini er nauðsynlegt að ná 75% mætingu á námskeiðinu.
Athugið að lágmarksþátttaka er forsenda fyrir námskeiðshaldi.
Íslenskunámskeið í Mími eru byggð á námskrá í íslensku fyrir útlendinga sem gefin er út af mennta- og menningarmálaráðuneytinu.

Annað: Fyrir þau sem koma frá löndum utan EES: Hluti af skilyrðum Útlendingastofnunar til að fá ótímabundið dvalarleyfi á Íslandi er að hafa lokið 150 kennslustundum/120 klukkustundum í íslenskunámi. Það skiptir ekki máli hvort tekin eru mismunandi stig eða sama stig oftar en einu sinni.