13. júní, 2024
Miðvikudaginn 5. júní útskrifuðust 20 nemendur úr leikskólasmiðju og íslensku 2. Mikill glaumur og gleði var á útskriftinni.
Í leikskólasmiðjunni fengu þátttakendur góða innsýn í starfshætti, verklag og vinnubrögð í leikskólastarfi hér á landi. Auk þess voru skapandi vinnustofur þar sem lögð var áhersla á notkun tónlistar í leikskólastarfi, útikennslu, íþróttir og listastarf. Þá lærðu þátttakendur íslensku með áherslu á orðaforða í starfi með börnum á námskeiðinu.
„Já, ég mæli með þessu námskeiði fyrir aðra. Það er mjög góður grunnur fyrir vinnu með börn í leikskólum eða grunnskólum og hefur undirbúið mig í að skilja og móta kennslu sem hvetur til skapandi hugsunar barnanna,“ segir Juraté, fyrrverandi nemandi á námskeiðinu.
Við óskum þeim öllum innilega til hamingju með útskriftina.
