Fagnámskeið 2 í umönnun

Um námskeiðið

Fagnámskeiðin eru haldin í samstarfi Mímis símenntunar og Eflingar. Þau eru ætluð þeim sem aðstoða, annast um eða hlynna að fólki með heilsubrest, fötluðu fólki og öldruðum, hvort sem er á einkaheimilum eða stofnunum.

Á fagnámskeiðunum er lögð áhersla á námsþætti sem nýtast starfsmanninum í starfi og einkalífi. Námið er niðurgreitt af Fræðslusjóði og kennt samkvæmt námskrá vottaðari af Menntamálastofnun.

Námskeiðið er kennt á íslensku. Til þess að geta tekið þátt í námskeiðinu er mælst til þess að þátttakendur séu a.m.k. á stigi A2-B1 skv. evrópska tungumálarammanum.

Sjá hér: https://www.rannis.is/media/islenskukennsla/Evropski-tungumalaramminn.pdf

Umsækjendum þessa námskeiðs stendur til boða að taka ókeypis stöðupróf hjá Mími-símenntun áður en sótt er um. Ef áhugi er fyrir hendi, hafið samband við verkefnastjóra námskeiðsins.

Uppbygging náms

Kennsla fer fram mánudaga, þriðjudaga og miðvikudaga kl. 12:40 – 16:00.

Fagnámskeiðin eru undanfari náms í Félagsliðagátt. Fagnámskeið eru tvö námskeið sem eru samanlagt 190 klukkustundir. Annars vegar fagnámskeið I (95 klukkustundir) og hins vegar fagnámskeið II (95 klukkustundir). Þátttakendur þurfa að ljúka fyrra námskeiðinu til þess að halda áfram á því seinna.

Námsgreinar

• Almenn starfshæfni
• Vinnustaðamenning, sjálfstyrking
• Eldhússtörf og ræsting
• Aðstoð og umönnun við athafnir dagslegs lífs